गजल
दुनियालाई खसी भनि ढाँटेर खायो ,हो महाशय उस्ले गाई काटेर खायो ||१
हाम्रा पुर्खाको सबै निसानीहरु उस्ले
कौडीको भाउमा नै आज साटेर खायो ||२
हिजो टिस्टा,काँगडा र कालापानी बेची
फेरी'नि टनकपुर र सुस्ता आँटेर खायो ||३
बिचरा त्यो सडकको बालक भोकै रहेछ
धुलोको पाउरोटी उस्ले झांटेर खायो ||४
धेरै चिन्तित छु म , यो कारणले आज
दुश्मनले देश दाजु भाई फाटेर खायो ||५
© रबिन शर्मा चापागाईं 'सरदार'
जहदा - नवलपरासी
२०७०-०६-३०
0 comments:
Post a Comment