गजल
सुख हुन्छ परदेशमा पैसै पैसा फल्छ भन्छन् ,
गाई गोठ ढले सरि सारा दुख ढल्छ भन्छन् ||
छोरो मान्छे घरै बसे दुनियाले कुरा काट्छ
तैले श्रम बेचिस भने घरको चुल्हो बल्छ भन्छन् ||
खियाएर दश नंग्रा बिरानो त्यो मुलुकमा
कमाएमा धन तैले दाजु भाई जल्छ भन्छन् ||
कहिल्यै नि आफन्तको भर नपर्नु है छोरा
भन्थे मेरा बुढा बाले आफ़्नाले नै छल्छ भन्छन् ||
पाइन्न रे भोक लाग्यो बिरामी छु भन्न आमा
प्रबासका दिनहरु दुख संगै चल्छ भन्छन् ||
©रबिन शर्मा चापागाईं "सरदार"
जहदा - नवलपरासी
हाल - बिरानो मुलुक —
0 comments:
Post a Comment