गजल (दशैं तिहार बिशेष)
दशैं आयो भन्दा घरमा मेरो मुटु चर्किने छ,सम्झिदामा रातो टिका आशुँ भेल दर्किने छ||
आमा सधै वुवा संग यौटै प्रश्न गर्छिन् अरे
मेरो मुटु , कान्छो छोरा कैले घर फर्किने छ ||
यो दशैंमा यस्तै भयो अर्को साल आउछु आमा
तिम्रा सबै दुख हरु आफै आफै तर्किने छ ||
आज सबै आफन्तले तिमीलाई हेला गर्या छन् रे
धन कमाई फर्केपछि सबले फुल छर्किने छ ||
नभन्नु है दिदिलाई यो तिहारमा आएन भाई
फेरी निधार खाली हुदा दिदि पनि झर्किने छ ||
© रबिन शर्मा चापागाईं 'सरदार'
जहदा- नवलपरासी
२०७०-०६-१२ ( दशैं तिहार बिशेष)
0 comments:
Post a Comment